الاسعار والمسعور

عارفين ايه اللي سعره غلي زيت الاكل وهو ضروري مع الفول وكمان السمنه بكل انواعها واللبن والجبنه واللانشون علشان رمضان جانا والسمنه والدقيق والبيض علشان جانا العيد اهو جانا العيد واللي يغيظ بجد رفع سعر البيبسي والجيلاتي سيبك من الهدوم اللي حايروحوا بيها المدارس وكمان للعيد طبعا انا قصدي الازياء طب ليه المكرونة غليت واللبان!!! سيبك من فلوس الزبالة اللي ع الكهربه مع ان كروت شحن الموبايل رخصوها والخضار بجميع انواعه (حدث ولاحوج) (هيه اصلها حرج) بس الكمبيوتر هوه اللي حكم وايه حكاية الكبريت اللي غلي في وسط الزحمة (طب اللي عاوز يولع في نفسه دلوقتي ) يتكلف كام ؟؟؟ كفايه 3علامات استفهام يمكن سعرهم يرتفع ولعلمكم علامات التعجب خلاص سعرهم بقي فوق وكله كوم والفراخ كوم (قصدي الدجاج) كل دجاجة مش عايزة اقل من 60قرش للبيضة بتقول علشان مصاريف الابر اللي بتاخدها --ولنا معكم لقاء انشاء الله لان المدفع ضرب (بس ماجاش فيهم) والسلام

من اسرار النجاح .....والسعادة

يقول دنيس ويتلي مؤلف كتاب سيكلوجية الدوافع " تتحكم قوة رغباتنا في دوافعنا و بالتالي في تصرفاتنا"...و سأقص عليكم قصة شاب ذهب إلى أحد حكماء الصين ليتعلم منه سر النجاح،و سأله

"هل تستطيع أن تذكر لي ما هو سر النجاح؟"فرد عليه الحكيم الصيني بهدوء

و قال له: "سر النجاح هو الدوافع"فسأله الشاب: " و من أين تأتي هذه الدوافع؟"

فرد عليه الحكيم الصيني: " من رغباتك المشتعلة"و باستغراب سأله الشاب: و كيف يكون عندنا رغبات مشتعلة؟"

و هنا استأذن الحكيم الصيني لعدة دقائق و عاد و معه وعاء كبير مليء بالماءو سأل الشاب: "هل أنت متأكد أنك تريد معرفة مصدر الرغبات المشتعلة؟"

فأجابه بلهفة: "طبعا"..فطلب منه الحكيم أن يقترب من وعاء الماء و ينظر فيه، و نظر الشاب إلى الماء عن قرب و فجأة ضغط الحكيم بكلتا يديه على رأس الشاب ووضعها داخل وعاء المياه!!

و مرت عدة ثوان و لم يتحرك الشاب، ثم بدأ ببطء يخرج رأسه من الماء، و لما بدأ يشعر بالاختناق بدأ يقاوم بشدة حتى نجح في تخليص نفسه و أخرج رأسه من الماء ثم نظر إلى الحكيم الصيني

و سأله بغضب: "ما هذا الذي فعلته؟"فرد و هو ما زال محتفظا بهدوئه و ابتسامته سائلا: "ما الذي تعلمته

من هذه التجربة؟"قال الشاب: "لم أتعلم شيئا"فنظر اليه الحكيم قائلا: "لا يا بني لقد تعلمت الكثير،

ففي خلال الثواني الأولى أردت أن تخلص نفسك من الماء و لكن دوافعك لم تكن كافية لعمل ذلك، و بعد ذلك كنت دائما راغبا في تخليص نفسك فبدأت في التحرك و المقاومة و لكن ببطء حيث أن دوافعك لم تكن قد وصلت بعد لأعلى درجاتها،

و أخيرا أصبح عندك الرغبة المشتعلة لتخليص نفسك، و عندئذ فقط أنت نجحت لأنه لم تكن هناك أي قوة في استطاعتها أن توقفك

ثم أضاف الحكيم الذي لم تفارقه ابتسامته الهادئة:" عندما يكون لديك الرغبة المشتعلة للنجاح فلن يستطيع أحد إيقافك".أرجو أن تكون قد أعجبتكم القصة
Dr.emad jinja

الحل فين؟

سالت فين الحل قالت لى نفسى بتسال مين

قولت بسال المسئولين المحترمين الى هيجبولنا حقنا على مدار السنين

قلتليى نفسى دول ناس مش فيقين دول اكيد نيمين

قولت نصحيهم علشان يحسوا بينا وبلمظلومين

روحت للمسئولين وقولتلهم احنا فى بلادنا مخنقوين ومتهانين ومجروحين ومحتاجيين ومحرومين

.وكان الرد.احنا صاحين ومش نايمين بس مش سئلين علشان احنا مرتحين

الحل فين؟

ابتسامه حزن:A

بحبها بكل ما فيها

اتولدت لقتني جواها
بكيت و ضحكت وياها
اتربيت وكبرت بحنانها
وعرفت الذكري في أيامها
شوارعها ضمتني و عيونها سهرتلي
اهتمت بيا و رعتني
في حضنها جيت و أترميت
وقعدت كتير و حكيت
ومن نيلها شربت و ارتويت
و بخيرها نميت وعليت

طبعا مصر أم الدنيا .... بقلم قلب جديد 25سبتمبر 2007

أقل واجب

مش أهات ولا شعارات لكنه همس أمنيات
أمنيات عاشت بداخلنا
كبرت جوا قلوبنا
صدقـتها عقولنا
وهاتنفذها أيدينا
دوري و دورك و دور كل واحد فينا
نعمر البلد دي و نحطها في عنينا
تكبر وتعلي لينا و بينا

لنا الله

البقاء لله يابلدى فى الضحايا الطيبين

الضحايا الشهداءطبع اللى ماتوا غرقانين
نزلوا عمق البحر الاحمر اه يا عينى مفزوعين
اللى مات من الخوف ساعتها تخدة موجة شمال يمين
واللى يشرب مية مالحة تملا بطنة يموت حزين
واللى يصرخ الحقونى مين يجيب النجدة مين
مين يجيب قارب نجاتى عمرى تحت الاربعين
نفسى اعيش ارجع لاهلى مشتاقلى مشتاقين
بس ياخسارة علية غرقت ويا الغرقانين
اللى عام على المية جثة واللى بلعوا حوت سمين
واللى عاد مينا سفاجا وسط ناس متكفنين
مين يا ناس ياخد حقوقنا من جماعة مهملين
مين يا ناس ياخد حقوقنا من سلا لة نصابين
مين يا ناس ياخد حقوقنا مين ياخلق يا مسؤلين

الاعدام بالطريقة الصينية

الاعدام بالطريقة الصينية ؟؟؟؟

ليست هذه احدى الطرق لعمل اكلة ما لكنهاطريقة قانون دولة الصين فى التعامل مع رؤوس الفساد فأنا لا اتحدث عن دولة نامية لكننى اتحدث حقا عن احدى الدول المتقدمة فى تعاملها مع رؤوس الفساد الذين يتسببون فى اعاقة تقدم الدولة

فهى تحكم عليهم با لاعدام دون النظر الى سلطتهم او نفوذهم فهى تحاكم من ياخذ رشوة بلاعدام ومنهم وكيل اول وزارة للصحة الذى اعطى احدى شركات الادوية تصريح بنزول ادوية دون التاكد من صحتها مما تسبب فى موت بعض المواطنين

فى الحقيقة انا اؤيد هذه الفكرة لانها قد تساعد فى القضاء على من يملؤن هذه البلد ويعبسون فيها فسادا ولكن من يجيب لمن يطالب باعدام اغلبية من يملكون السلطات والنفوذ فبلدنا حقا تحتاج الى من يقوم بابادة رؤوس الفساد التى تسيطر على من لايملكون شيئا لاسلطة ولا نفوذ

ولكن كما يقال نبح الصوت من النحيب ولكن لا ترى من يجيب

حد يقوللى ايه رايه فى الطريقة دى

الغنام

الايدى الخفية

السلام عليكم ورحمة الله وبركاته طبعا شفتوا الصورة ايه رايكم فيها على فكرة دى صورة فيلم لسة بيتصور بس بصراحة مش عارف هيتعرض امتة على فكرة اسمه فيلم اغتصاب العالم بطولة امريكا واسرائيل بس هيبقى فيلم جامد اوى بس ياخسارة لو اتعرض احنا مش هنتفرج علية عارفين ليه لاننا مش هنبقى فضيين هيبقى اللى منصاب واللى مات واللى حزين على اخته يعينى وهما بيهتكوا عرضها واللى مراته بيغتصبوها وهو مش قادر يدافع عنها واللى ابنه بيموت قدامه وهو منصاب فى الارض مش قادر يحميه واللى بيتهان واللى مش لاقى بيت يلمه والفلاح اللى ارضه بقت بور والمصانع اللى كانت فتحة بيوت اتحرقت بقة وعمالها مش لاقيين ياكلوا بس على فكرة زى ما فى كدة هيبقى فى ناس بتدور على انهم يطلعوا الناس الوحشين دول من بلدنا ويعملوا مظاهرات ويطبعوا منشورات ويعينى بقة هيموتوا واحد من العدو ويموت منهم عشرة طب ليه دة كله ما زى ما هما بيصوروا فيلم احنا كمان نقلدهم مش قصدى نغتصب اراضى لا سمح الله لان دينا مقالش كدة بس نعمل فيلم اسمه نحو مستقبل افضل هاتضحكوا طبعا لان الكلمة دى اتقالت قبل كدة من واحد احنا ظلمينه اوى يعينى الراجل هيشوف ايه ولا ايه هيعد فلوسه ويلف العالم قال ايه مصالح مصر الخارجية وهو بيتفسح ولا هيحضر ماتشات الكرة ياترى هو بيشجع انهى فريق عارفين مين انبى لانه تبع البترول وهو بستفاد من البترول اوى وبردة بيفدنا حد ينكر مش انتم لما بتحتاجوا جاز بتلاقوا وبنزين لعربيتكم بتلاقوا طب خلاص عايزين ايه بقة مش كل حاجة هو اللى هيحلها الراجل مشغول عايز يثبت ابنه مكانه قبل ما يموت معزور والله عموما مش موضعنا نبطل ضحك ونرجع لموضوع الافلام الاول ايه رايكم فى اسم الفيلم مفيش اعتراض طب كويس تيجى نختار الابطال عارفين مين هو انتم يعنى بدل ما تقعدوا تتكلموا فى الكرة نتكلم فى الدين على الاقل ربنا يرعانا نتكلم فى حال البلد على فكرة الكلام ليه فايدة على الاقل بيريح وهتخلوا الناس عندها وعى مع انهم عارفين كل حاجة بس ادينا بنصحى المواجع اللى جواهم ممكن يفوقوا تعالوا نغير فى البلد يعنى ننضف فيها نبتدى بنفسنا ايه رايكم لما نعمل لنفسنا كرامة يعنى منشفش السياح ونجرى عليهم ونقول الله ايه دة وعايزين نبسهم بقة ونتصور معاهم لا عادى زيهم زيك وانت احسن طب بلاش متيجى لو يوقفنا امين شرطة منتلغبطش ونتربك عادى متيجى لما نطلع الاتوبيس ونلقيه زحمة مانركبوش اه ممكن تكون مستعجل خلاص مش مهم المرة دى بس حاول تنزل بدرى بعد كدة حاول تخش الدراسة اللى بتحبها مش تقول مجموعك كدة واقلك احلى من دة كله ارجع لربنا يعنى الصلاة لو بنت احاول اخف شوية من اللبس نحاول منقلدش الغرب اوى احنا اللى علمنا الناس دى على فكرة مش شرط اللى انا بقوله يتحقق فى سنة المهم نبدأ بنفسنا علشان ميكملوش تصوير الفيلم لان لو كمل صدقوني محدش هيعرف يعيش فى امان اسالوا اللى حضروا الاحتلال وهما يقللكم ارجعوا للدين اهم حاجة دلوقتى يبقى لينا كرامة فعلا هيحترمونا انا اسف لو طولت ومش عارف انا كتبت موضوع حلو ولا لا بس انا كتبت اللى جوايا


dr: abo donia

ليه وصلنا للدرجة دى

هو دة اللى احنا عاوزينه

فلسفه حمار

عجـبى عليك يأبـن أدم … ياكـبير الـدارقومت الدنيا .. ماقعدت … لما قالوا حـمارهو أسمى شتيمة !! …. ولا جـنسى دا عارخلقنى ربى وخلقك … ولا حـدش له خـيارمهما زاد الحمل فوقى …صـابر ع المشوارلا مرة قلت أشمعنى … ولا مرة أخذت بـتارولا أبص لرزق غيرى … وأطق منه وأغـارولا أرفع عينى على جارتى ولا أخون الجـارلا أتعب نفسى فى البحث عن حمارة ولا أحتارولا مهر أدفع لحمارتى !! ولا شبكة ولا شوارولا شقة ادفع فى ثمنها سنين ، ولا أجهز دارولا حـرمة حامل تتوحم شهور وتطلب كافيارلو جابت ولد !! تمسك بلجامى وتعمل سشوارترجع وش الفجر تقولى كان عندى كام مشوارفى الداخلة والخارجة تطالبنى .. زى المنشارولا بنت تخرج عن طوعى .. وتجيب لى العارولا أبـن يـدمـن ويهلوس ويـقـع يـنهارولا أنا مستنى مرتب ولا ترقية ولا بأكتب أقرارولا شـاغل بالى بسياسة ولا مجـلس ولا تيارعايـش فى حـالى متهنى وماليـش أفــكاربأكل .. أشرب .. أنهـق.. وما فيـش أسـراروبأركـب أحـسن عربـية ! عـنـدك أنــكارولا بتأثر فى الأزمة … … ولا نار الأسعارعـنـدى أبـن آدم بـيخـدمنى لـيل ويانـهارأن جعت يشترى برسيمى … بأغـلى الأسـعاروفى مرضى يسهر يعالجنى ….. ويدعى الستارخـادم أمين من غـير مرتب ولا حـتى إيـجارخـلاص عرفـت يا أبـن آدم .. مين فينا حمار

لماذا يمل الطلاب من الدراسة؟؟؟

سؤال يطرحه كل اب وتطرحه كل ام لهم ابن فى مرحلة الدراسة

لماذا يمل ابناؤنا من الدراسة؟

هل المناهج هى السبب؟

هل طريقة التعليم هى السبب؟

هل معاملة المعلمين هى السبب؟

اسئلة تطرح نفسها علينا فهل لها من اجوبة؟

ولماذا نجد ان معظم الطلاب تسوء حالتهم النفسية اثناء الدراسة؟

لماذا يملئ المناهج المناهج الدراسية الكثير من الحشو؟

هل من المشاكل انعدام التعليم العملى الفعلى فى مدارسنا؟

كلها اسئلةتطرح ايضا نفسها

نحن ننتظر ردكم وتعليقكم

الغنام

لماذا العناء وارتفاع الاسعار

قبل ايام قليلة هجمت المنازل المصرية_ التى تعانى من مشاكل فى الحالة المادية_ ايام شهر رمضان المبارك وماتتضمنه من ارتفاع فى المصاريف وحاجة المنازل الى ياميش رمضان وما ادراك ما التغير الذى طرا فجاة على اسعار الياميش التى قد وصلت الى اعلى معدلاتها وتضمن ذلك ازدياد الازمة المالية لدى هذه الاسر التى تمثل اغلبية الشعب المصرى فهل رحمتهم الحكومة من ذلك؟؟؟؟ لا ولكن كما يقولون ازادت الطين بلة।فرب الاسرة الذى لم يتخلص من مشاكل اسعار الياميش وجد نفسه يغرق فى ازمة دخول المدارس وما تحتويه من مصاريف المدارس التى ارتفعت ايضا ومصاريف ادوات المدارس التى اخذت طريقها فى الانطلاق الى اعلى الاسعار ولم تستقر ايضا وماتتجاهله الحكومة انه بعد عدة ايام سيواجه المواطن مشاكل اكبر وهى كعك ولوازم العيد وملابس العيد والتى تشهد ايضا ارتفاع فى معدل الاسعار اى انه مصر تعيش الان حالة من التضخم الاقتصادى

ورسالة من مواطن مصرى الى من يهمه الامر ...الرجاء الرءفة بالمواطنين لان هؤلا االمواطنين فى الاساس بشر اى مهمتهم الانتاج قبل الاستهلاك ولكن فى مجتمعنا هذا فقد تحولوا الى مستهلكين قبل ان يكونوا منتجين ....وللاسف هم ايضا عاجزون على ان يكونوا مستهلكين لانه ليست لديهم الامكانيات لكي يكونوا مستهلكين وساكتفى بان اقول

ارحموا من فى الارض يرحمكم من فى السماء

تحياتى اخوكم المصرى

الغنام

لماذا؟؟؟؟

فينك ياريس

لمانا نعيش فى مجتمع امتلئ بالغموض؟ اين ذهبت الشفافية اين ذهب الحق؟

منذ فترة قليلة اصاب الشارع المصرى حالة من الاضطراب عندما

نشرت بعض الجرائد اخبارا عن سوء حالة الرئيس مبارك وبعدها انقلبت الدنيا

راسا على عقب و قامت الحكومة بدورها الهمام بالقاء القبض على من نشر هذه

الاخبار حول حالة الرئيس والقاء التهم عليهم....... ولكن بعد ايام افرج عنهم

المشكلة ليست هنا بل المشكلة الرئيسية هى ان بعدها نر ان الرئيس يقوم كل يوم

بافتتاح مشروع هنا ومشروع هناك ..... سؤال يحيرنى حول هذا الموضوع

فهل يجيبنى احد ذو عقل لبيب . هل يوجد رئيس فى الدنيا يصدر خبر بوفاته

ولم يرد باى تعليق او حتى مؤتمر صحفى؟

حتى ان الشارع المصرى متاكد من ان هذه الاخبار عن المشاريع اخبار بايتة

فاين ذهبت الحقيقة واين الشفافية ولو ان الرئيس بخير ليه ما طلعش وقال انا اهوه

ويرد على الاخبار اللى بيقولو انها مش صحيحة ؟

نفسى اشوف مرة بلدنا مصر دى يطلع فيها خبر صح ومحدش يكذبه

وفى النهاية بحب اشكر كل الناس اللى بترتب وتجهز نفسها علشان الفترة اللى جاية

وبحب برضو افهمهم ان الشعب المصرى برضو فاهم اللى هما بيعملوه واللى بيجهزوا علشانه

ومش هيفضل دايما فى محلك سر مقيد بالقرارات والحورات اللى بتطلع

تحياتى اخوكم المصرى

الغنام

كتبت بدموعي فينك يا بلدي؟؟؟؟

كان نفسي افتح عيني الاقيكي جنبي
ابني وعمر فيكي علي ادي
واديكي كل حب وعطاء من كل قلبي
طلعت لقيتك اسيه عليا

حرماني حتي من فرحة عينيا
ملقتش منك اي تعاون ولا اي فايده
عايزه مني اطلع ازاي بحبك
وانتي دايما منسياني حبك
مكرهاني فيكي بكل عيوبك
يا خساره يا بلدي كان نفسي بجد اطلع الاقيكي مافيش احسن منك

بما ان اول ضربة جوية فتحت باب الحرية

السوءال

ليه سبنا الباب مفتوح ومدخلناش ؟؟؟

النكت دي لبابا حسني

مره الريس بابا حسني طبعا بيسال وزير الصحه بيقولوا ايه اخبار المستشفيات قاله كله تمام قاله طيب انا هانزل اطمن بنفسي فنزل مستشفي المجانين فسال واحد مجنون بيقوله انت مجنون ولا عاقل ؟ قاله انا عاقل قاله طيب انا هاسالك حبة اسئله لو جوبت عليها هاخليهم يخرجوك

اول سؤال: بيقولوا انا ولا جمال عبد الناصر؟

قالوا انت طبعا ياريس

قاله ليه؟

قاله عشان جمال كان بيخاف من امريكا

تاني سؤال: قاله انا ولا السادات؟

قاله انت طبعا يا ريس

قاله ليه ؟

قاله السادات كان بيخاف من روسيا

تالت سؤال: طيب انا ولا عمربن الخطاب ؟

قاله انت طبعا يا ريس

قاله ليه؟

قاله عمروبن الخطاب كان بيخاف من ربنا انت لا

0000000000

مره بابا حسني كان راكب طيارة هو وماما سوزان والواد جمال ابنه طبعا علاء كان مقضيها بابا حسني قام قايل هارمي مائة جنيه واللي هاينط وراها يجيبها هاسعده سعد الدنيا كله فقالت له سوزان ارمي خمسين وخمسين وتسعد اتنين فرد جمال وقاله ارمي خمس عشرينات واسعد خمس افراد فرد الطيار وقاله ارمي نفسك وتسعد ثمانون مليون مصري

0000000000000

اسرة للبيع

الموضوع ده خالي عيني تدمع بجد

انا عايز اقول شوفوا لدرجة ايه وصل الناس الموضوع ده نشرته المصري اليوم

احنا بنهاجر ليه؟

من كام ألف سنة والمصريين قاعدين هنا، يزرعوا ويحصدوا ويغنوا ويكتروا، ارتبطوا بالنيل والأرض والناس، وكانت فكرة الهجرة دايماً فكرة غريبة وبعيدة عن تفكير معظم المصريين رغم إن الوضع في الداخل ماكانش مرضي في معظم الأحوال، ومع كده كانت فكرة الهجرة دايماً مصدر أشجان وأحزان ماتنتهيش غير بعودة اللي هاجر، وتراثنا مليان॥
اما الحال دلوقتي فمختلف نهائيا اصبحت الهجرة هي حلم كل شاب وكانت الهجرة زمان ممكن تكون للسياحه او للترفيه عن النفس وبعضها للعمل اما دلوقتي فكله بيسافر عشان الشغل وبس وطبعا في بلاوي بيعملها المصريين بره ومش هانتكلم عنها دلوقتي
بس احنا عايزين نعرف ليه شبابنا بئا بيحلم ليه بالهجرة بره فقولنا ننزل للشارع ونسال شبابنا بيقولوا ايه
عماد شاب من مصر
اول حاجه البلد حالها من سيء لاسوء ومافيش شغل للشاب حتي لو موجود الشغل مش هاتلاقي المرتب يكفي حتي مصاريفه الشخصية امال لو فاتح بيت ولا بيعول اسره هايعمل ايه ؟
وسالنا واحد برده اسمه عماد تاني
والله يا سعادة البيه البلد دي خربانه علي راي المطرب اللي بيقول الدنيا خربانه
وقابلنا برده عم عماد وسالناه ايه رايك في موضوع هجرة الشباب بره البلد ياعم عماد وتفتكر هم بيهجروا ليه وعايزين يهاجروا ليه ؟
وعم عماد رد :يابني كل شاب بيحلم يبقي ليه مستقبل كويس ويحقق احلامه وطموحاته وبيبقي قي شباب مخططه للكلام ده فيطلع يلاقي ان بلده مش بتسعده انه يحقق احلامه وطموحاته دي فعايزه انت يعمل ايه؟
واحنا في طريقنا لقينا راجل ماشي عمالي يكلم نفسه فسالناه عن اسمه فجاوب علينا وقالنا انا اسمي الاستاذ عماد فسالناه بتشتغل ايه يا استاذ عماد قال انا موظف فسالناه عن رايه فكان رايه
اقل حاجه ممكن اقولها كفايه البيروقراطيه اللي في البلد لما تكون ناوي تعمل اي مصلحه او اي ورق في اي مكان حكومي المفروض انك بتلاقي كل المساعده والترحيب والسهوله لكن طبعا كلنا روحنا المصالح الحكوميه وجربنا نعمل بطاقه مثلا او نعمل ورق الجيش او حبينا نعمل اي حاجه فيها موظفين حكومه من بداية لما تطلع المصلحه الحكوميه وتلاقي طبعا المصلحه شكلها ما يشجعش انك تدخلها واول لما تدخل طوابير وزحمه سيبك من الكلام ده كله وتعالي وشوف بئا لما تيجي تتعامل مع موظف الحكومه اول لما تيجي تكلمه اول لما يشوفك يقوم نافخ زي ما يكون شاف عفريت ويقوم مزعق ويقولك عايز ايه اخلص وطبعا اول لما تقوله يسيبك بتاع 5 دقايق ويقولك انت ايه اللي جابك هنا انت المفروض تروح شباك مش عارف ايه الاول وطبعا انت اول لما تسمع كدا تقوم واخد بعضك ورايح جاري عشان تلحق دورك وبعد طبووووور ما لوش اخر بعد ما توصل للموظف التاني ويطلع راجل زوق ويقولك اتفضل حضرتك اؤمر اول لما تقوله موضوعك يقولك حضرتك الشباك ده غلط المفروض حضرتك تروح شباك الاستاذ اللي جنبي اللي هو كان عنده من الاول يقوله مانا كنت عنده وقالي عندك هنا يقولك لا روحله قوله ده شغلك انت يا استاذ فلان وطبعا عقبال لما تروح للشباك ده تاني يكون وقت المصلحه خلص وييقولك بكرا ان شاء الله تعالي عشان احنا خلصنا النهارده وشوف انت بئا ساعتها تبقي عامل ازاي وبتقول ايه علي البلد واللي فيها وتكون بتتمني ايه الوقت ده وغصب عنك هاتيجي بكرا ويتكرر معاك السيناريو لاما ربنا يقف جبنك وتنجزه بعد اسبوعين او ثلاثه وطبعا احنا بنشكر استاذ عماد وبنقوله خالي بالك من نفسك

امير فى مملكه الاحزان

ماذا حل بك أيها
القلب طال حزنك و بكائك
الهموم ملئت أركانك
فجعلت الطير يبكى لحالك
فلما هذا أيها القلب هل تبخر الأمل
هل تخليت عن أحلامك
أم تنتظر قلبا ينتشلك من دوامة أحزانك
و ماذا إن طال انتظارك؟هل ستظل على حالك
فأين الإيمان و نعمة النسيان
و الصبر على البلاء
فهيا أيها القلب حطم قيود آلامك
و حرر روحك من أحزانك
واجعل الأمل و التفاؤل سفينتك التي تبحر بها في حياتك
و الإيمان رفيقك و سلاحك الذي تقاوم به أمواج الحياة لترسو بك إلى بر الأمان
ماذا بعد الفراق
॥ نشعر بالانكســآر
؟نشعــر بالتشتت
!نشعــر بالتبعـثـر
!نشعر بالارهــاق
!ونشعر بالهزيمه
!وكأن حربآ مريره مع الواقع قد انتهت
قد تكون مرحلة مابعد الفراق
بــدآية لمرحــلة ميــلاد جديد
هــي غالبــاً ماتكــون
""" بــدايــة لموتــ بطـــيء"
منقوووووووول يا رب يعجبكم
مواطنه محبطة

الفراق..........

لماذا حين نختلف نفترق؟ وحين نفترق نندم
فإذا كــان الاختلاف.. يؤدي إلــى -- القطيعة -- أيــن يذهب الود؟؟و إذا كــان الاختلاف يحتــاج لسنين حتى تعود المحبــة من جديدفأين الفضيلة في حديث الرســول صلى الله عليه وآله وسلم(أفضل الفضائل: أن تصل من قطعك، وتعطي من حرمك، وتعفو عمن ظلمك)وإذا كــان الاختلاف يؤدي إلى -- الهجـــر -- فأين تذهب المحبة؟؟وإذا كــان الاختلاف يؤدي إلى --الأحقــاد -- فأين تذهب الرحمه ؟؟لا بد من وقوع الإختلافات بين الناس فهي سنه من سنن الحياه ولا ننسى ان الانسان بشر و هو معرض للخطأ . لذلك لا ينبغي أن نقطع حبل الوصال مع من نختلف معه مهما كان حجم الخلاف كبيرا لا تهدم خط الرجعه و لو لم تكن متأكدا من الرجوع منه أختلف مع صديقك حبيبك أو أيا من كان و لكن أحرص على أن لا تجرح إحساسه و مشاعره و لا تهينه لا تفجر بالقول مهما كنت غضبانا فأقل كلمه ممكن أن تبرد لهيب غضبك قد تحرق كل مشاعر طيبه جمعت بينك و بين من تجادل و تهدم صرح كبير من الحب و التقدير بنته العشره بينكما . لا تعمد على إنهاء علاقتك به فسيأتي يوما تتذكر جميل ذكرياتك معه و عندها ستندم على إنهاءك تلك العلاقه .و تذكر بأن ما يُكسر بسهوله لا يمكن أن يصلح بسهوله و إن صلح فسيبقى مخدشا
المخلص للابد
اسلام اكس

البدايه..........

ايها الاخوه والاخوات
تكلمنا كثيرا ولكن اين الحلول؟ اين الهروب من الياس والاحباط ؟ اين العزيمه والروح القويه التى تقهر الصعاب ؟
نحن الان على وشك التحول الى عصر جديد من التكنولوجيه والتطور المستمر لابد وان يكون لنا بصمه واضحه فى هذا الزمن لن اقبل ان اعيش واموت بدون ان اضع بصمتى على هذا العصرالذى نعيشه
فأنا موجود ولن اقبل ان يتجاهلنى احد وانتم موجودون ولن تقبلوا ذلك ايضا
معى ايها الشباب والشابات نصنع مستقبلنا بأيدينا ونساعد بعضنا البعض بالافكار والاختراعات والمقترحات
أؤكد ايها الشباب لا ابداع بدون الخيال
الخيال।الخيال.الخيال.الخيال.الخيال
صدقونى هو البدايه
الحلم مع الخيال
ان اضع بصمتى لينذكرنى الناس وليتذكرنىالاجيال القادمه فنحن لانقل ابدا عن الغرب ولا ينقصنا شيئا سوى..........
التفكير والعزيمه مع الاراده مع الخــــــــــــــــــــــــــــــــــــيال

اخوكم المخلص

اسلام اكس

نــاس ونــاس

شفت كتير أشكال أجناس شفت وشوش شفت رتوش شفت الناس من بين الناس
*******
ناس شقيانه وناس تعبانه وناس تتعب لو مضغوا لبانة وناس ظهرها محني من الفاس
*******
ناس من كتر الغلا مكبوتة مش قادرين يشترو كيلو قوطه وناس مبسوطة عايشه حياتها في شرب الكاس
*******
ناس فقرا ومش قادرة تعيش أكتر كلمة تقولها مفيش وفي ناس تاخد ما بتديشوعشان تدي إيديها تتباس
*******
ناس كرامتها فوق الكل رغم الفقر ما ترضاش ذلوفي ناس واطية زي الفل تِوْصَل لو حتى هتنداس
*******
ناس دايماً واقفين طوابير لقمة عيشها ده هم كبير وفي ناس رغم إنها طنابير عمر ما تتعب ولا تحتاس
*******
ناس تديها ظهرك تإذيك وناس تتمنى إنها ترضيك عايشة حياتها كلها ليك بتكمل معنى الإخلاص
*******
ناس عايشة في زحمة ودخانشمس وحر وخنقة كمان وفي ناس تانية قليل ما تبان وبتتشال كده فوق الراس
*******
ناس تلاقيها ساعة الجد عمر ما تتعب ولا تتهد وفي ناس عمر ما ساعدت حد نفسي وبس – أنا وخلاص
*******
ناس بالرغم إنها محتاسه ما بتطلبش عشان حساسه وناس تندب في عينها رصاصه ناس منزوع منها الإحساس
*******
لكن بين الناس والناس شفت وشوش شفت رتوش شفت الناس كده غير الناس

شـأن عائلـي جـداً

صحيح انه لا وجه للمقارنة بين انتخابات الرئاسة الأمريكية وانتخابات الحزب الوطني، إلا أن الصدفة وحدها هي التي دفعتني إلي تلك المقارنة التي أعتذر عنها مقدماً عنها اقتناعاً مني بأنه لا يجوز أن تجري بين الجد والهزلو لو ترك الخيار لي لما فكرت في ان أقحم انتخابات الحزب الوطني في أي حديث عن اي انتخابات محترمة في الكرة الأرضية، لكن الصدفة حكمت، ففي الشهر الحالي.. أغسطٍس.. اجتتتمعت مناسبتان، ففي بداية الشهر عقدت في واشنطن مناظرة علنية بين المرشحين الديمقراطيين للرئاسة وفي منتصفه تقريباً فتح الباب لانتخابات الحزب الوطني المصرية، وهذا التزامن هو الذي شجعني.. ورطني بتعبير أدق.. في المقارنة بين المشهدين وخفف عندي الشعور بالحرج*******كانت تلك هي المناظرة الاولي من نوعها بين مرشحي الحزب الديمقراطي الثمانية، وقد نظمتها شبكة شبكة سي إن إن مع موقع موقع يوتيوب الإلكتروني إذ جلس المرشحون الثمانية لعدة ساعتين في الاستوديو على الهواء مباشرة، ليجيبوا عن أسئلة الجمهور.. وكانت الشبكة والموقع قد اعلنا عن المناظرة قبل عدة ايام.. فتلقى موقع يوتيوب ثلاثة آلاف سؤال، ولكن الخبراء قاموا بغربلة الأسئلة وفرزها، وتخيروا منها 39 سؤالاً متنوعاًأصحاب الأسئلة تنوعت هواياتهم، وظهروا امام المشاهدين بالصورة والصوت، أما القضايا المثارة فقد تراوحت بين الهموم الشخصية إلى المعاناة الشخصية، إلى القضايا الصحية والبيئية، وكشفت عن جوانب كثيرة في شخصية المرشحين، وأعطت انطباعاً للمشاهدين بأن المرشحين يواجهون امتحاناً حقيقياً من جانب الرأي العامفي الوقت ذاته تعددت هوية أصحاب الأسئلة، فهذا أب فقد ابنه في حرب العراق، وسأل إن كان سيفقد شقيقه أيضاً هناك.. وهذه سيدة مصابة بسرطان الثدي، جادلت فيما إذا كانت فرص نجاتها من المرض ستكون أفضل لو كان لديها تأمين صحي، إلى شخصين من الشواذ سألا المرشحين، لماذا لا يمكنهما الزواجبعد المناظرة جلس الخبراء يحللون المرشحين، لكي يختاروا افضلهم حضوراً وأداء وتفاعلاً مع الجمهور، وحتي كتابة هذه السطور كانت السيدة هيلاري كلينتون هي الأوفر حظاً بينهم*******بعدما نجحت التجربة في إحراج المرشحين الديمقراطيين ووضعهم أمام مجموعة الأسئلة التي تشغل الرأي العام الأمريكي، فإنه سيتم تكرارها بين المرشحين الجمهوريين في منتصف الشهر القادم، وبإجراء التصفية بين مرشحي الحزبين الكبيرين، بواسطة الشركة التليفزيونية الإلكترونية، فإن الرأي العام الامريكي سيكون قد تعرف بشكل جيد على مرشحيهما، الأمر الذي سوف يسهل عملية المفاضلة بينهم في التصفية النهائية التي تؤدي إلى انتخاب الرئيس الامريكي في العام القادم، ذلك أن الناخبين في هذه الحالة سيختارون شخصاً تعرفوا عليه جيداً، وأطمانوا إلى طريقة تفكيره واحيطوا علماً بمواقفه في مختلف القضايا العامة، والفضل في ذلك لتلك التجربة الفريدة في تاريخ الإعلام السياسي الحديث*******في كوميديا انتخابات الحزب الوطني، التي يفترض أن تعيد بناء هيكل الحزب وانتخابات مستوياته القيادية من القاعدة إلى القمة، فإن الرأي العام ليس مضطراً للتعرف على أحد من القياديين، من أمناء المحافظات إلى الأمين العام للحزب، إلى رئيسه، ليس فقط لأن هؤلاء معروفون سلفاً ومتفق عليهم في مطبخ الحزب، ولكن لأن كل ما يتعلق بالسياسة في مصر لا علاقة للرأي العام به، لأنه من الأسرار العليا، التي لا يجوز إطلاع عوام الناس.. أمثالنا.. عليها، وهي شأن عائلي بالدرجة الاولى، ولأننا مجتمع محافظ بطبيعته فإن أحداً لا يحق له أن يدس أنفه في شئون العائلات
*******-فهمي هويدى-

من أحمد فؤاد نجم إلى حسني مبارك

سيدي الرئيس
في عيد ميلادك الكام وسبعين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - هاتفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين

لا تحمل الكره الارضيه فوق راسك

لا تحمل الكرة الأرضية على رأسك


نفر من الناس تدور في نفوسهم حرب عالمية، وهم على فرش النوم، فإذا وضعت الحرب أوزارها غنموا قرحة المعدة، وضغط الدم والسكري. يحترقون مع الأحداث، فهم في انزعاج دائم، وقلق واصب {يحسبون كل صيحةٍ عليهم}.


ونصيحتي لك ألا تحمل الكرة الأرضية على رأسك، دع الأحداث على الأرض ولا تضعها في أمعائك، إن البعض عنده قلب كالإسفنجة يتشرب الشائعات والأراجيف, ينزعج للتوافه، يهتز للواردات، يضطرب لكل شيء، وهذا القلب كفيل أن يحطم صاحبه وأن يهدم كيان حامله.

أهل المبدأ الحق تزيدهم العبر والعظات إيمانا إلى إيمانهم، وأهل الخور تزيدهم الزلازل خوفا إلى خوفهم، وليس أنفع أمام الزوابع والدواهي من قلبٍ شجاع، فإن المقدام الباسل واسع البطان، ثابت الجأش، راسخ اليقين، بارد الأعصاب، منشرح الصدر، أما الجبان فهو يذبح نفسه كل يوم مرات بسيف التوقعات والأراجيف والأوهام والأحلام.

فإن كنت تريد الحياة المستقرة فواجه الأمور بشجاعة وجلد ولا يستخفـنك الذين لا يوقنون، ولا تك في ضيق مما يمكرون، كن أصلب من الأحداث، وأعتى من رياح الأزمات، وأقوى من الأعاصير.

وارحمتاه لأصحاب القلوب الضعيفة كم تهزهم الأيام هزًا {لتجدنهم أحرص الناس على حياةٍ} (البقرة:96)، وأما الأباة فهم من الله في مدد، وعلى الوعد في ثقة {فأنزل السكينة عليهم} (الفتح: 18)।
اسلام اكس

هل فعلا الناس الذين يضحكون اكثر هم الاكثر حزنا ؟!

الضحك قد بات ليس الا قناعا يحاول الجميع أخفاء المستور كما يقال من ورائه.....

لم نعد نرى الضحكة والابتسامة الحقيقية النابعة من قلوبنا أنما أصبحنا نرى مجرد أبتسامات لاطعم ولا لون لها ترتسم عنوة على وجوهنا نخفي من ورائها مشاعر الحزن والاسى واليأس التي نمر بها...هل أصبح الضحك حقا قناعا نواجه به الاشخاص نلبسه كل صباح ونخلعه كل مساء مثقلا بالابتسامات المزيفة....ترى هل نحاول خداع أنفسنا أم خداع الآخرين؟؟؟هل أصبح زماننا الذي نعيشه يفرض علينا التحايل حتى بالابتسامة والضحك؟؟؟هل تعايشنا مع قناع الضحك...كي لانشعر الآخرين بمآسينا....أم أنه الحال كي نستطيع التعايش مع الآخرين ويتقبلونا كنوع من المجاملات؟؟هل فعلا الناس الأكثر ضحكا هم الأكثر حزنا..؟؟؟

هل انت حقا رجل ؟ تعال اكتشف معنى الرجولة الحقيقية

هل كل رجل يدرك معنى الرجولة الحقيقية ؟ لا نعتقد ذلك ॥ ولكن ما هي الرجولة الحقيقة .. تعالوا نعرف معانيها الحقيقية وبوضوح تام .. هيا نكتشف ذلك
الرجولة كلمة شرف وموقف عز
!الرجولةهي البذل والعطاء والتضحية والفداء!
هي أن تحسن إلى من أحسن إليك ولا تسيء إلى من أساء اليك
!الرجولة هي أن تحترم الآخرين وتحترم وجهات نظرهم ولا تستصغر شأنهم ولا تسفه ارائهم
!الرجولة هي أن تقول الحق وتجهر به ولا تأخذك فيه لومة لائم
الرجولة هي الشهامة والمروءه في أجلى معانيها
!الرجولة هي أن تعطي كل ذي حق حقه
!الرجولة هي الأخلاق الكريمة والمعاملة الحسنة
!الرجولةهي تحب لغيرك ما تحب لنفسك
!الرجولةهي إنصاف المظلوم من الظالم
!الرجولةهي أن تمد يد العون للمحتاج في كل الظروف
الرجولة هي تعرف قدر نفسك فلا تتجاوز بها الحد
!الرجولة هي أن تغفر وتعفو عند المقدره وأن تمسك نفسك عند الغضب
!الرجولة هي أن تمسح بيد حانيه دمعة ألم عن وجه بائس
!الرجولة هي أن تنام قرير العين مرتاح الضمير غير ظالم

كم من تلك الصفات تجدها في نفسك قد تجتمع الصفات في رجل واحد ، وقد يجتمع الرجال في صفة واحدة .فلتسأل نفسك أخي العزيز اي الرجال انت .

قبل ان ترتبط بفتاة اسألها الاسئلة العشرة التالية

نقترح على كل خطيبين ان يجيبا على هذه الاسئلة في لقاء التعارف بينهما وقد جربت هذه الاسئلة وكانت لها نتائج ايجابيه وناجحه في الزواج ।

1- ما هو طموحك المستقبلي وما هدفك في الحياة؟

إن لكل إنسان أمنية في حياته يسعى لتحقيقها سواءً في المجال الاجتماعي أو الديني أو الأسري أو العلمي وغيره ،ومن المهم في بداية التعارف بين الخاطب والمخطوبة أن تكون الرؤية المستقبلية للطرفين واضحة। وكلما كانت الرؤية واضحة كلما قل الخلاف بين الزوجين في المستقبل.

2-ما هو تصورك لمفهوم الزواج؟

إن هذا السؤال من الأسئلة المهمة بين الطرفين ،وذلك حتى يتعارف الطرفان على بعضهما أكثر، تقول إحدىالمتزوجات: فوجئت عندما عرفت أن مفهوم الزواج عند زوجي هو مجرد تحقيق رغباته الجنسية فقط ، وأما أنافلا احترام لي ولا تقدير وكل المسئوليات ملقاة علي।ويقول الزوج : كم فوجئت عندما علمت أن مفهوم الزواج عند زوجتي أنة من أجل الأبناء وأنا معها في مشاكل دائمةوإلي الآن لم يرزقنا الله الولد . فمعرفة مفهوم الزواج عند الطرفين والحوار حوله من الأمور التي تساعد على الاستقرار الأسري مستقبلاً.

3-ما هي الصفات التي تحب أن تراها في شريك حياتك؟

جميل أن يتحدث الإنسان عن مشاعره وما يحب وما يكره وأجمل من ذلك كله أن يكون مثل هذا الحوار قبل الزواجبين الخاطب والمخطوبة ، حتى يستطيع كل طرف أن يحكم على الطرف الآخر إذا كان يناسبه من عدمه। ونقصدبالمحبوبات والمكروهات إلى النفس من السلوك والاخلاقيات والأساليب والمطعومات والهوايات وغيرها

4-هل تر من الضروري إنجاب الطفل في أول سنة من الزواج؟

لعل البعض يعتقد أن هذا السؤال غير مهم ، ولكن كم من حالة تفكك وانفصال حصلت بين الأزواج بسبب هذا الموضوع وخصوصاً إذا بدأ أهل الزوج أو الزوجة يضغطون على الزوجين في موضوع الإنجاب ، ولكن على الزوجين ان يتفقافيما بينهما على هذا الموضوع। وأن لا يكون سبباً من أسباب المشاكل الزوجية في المستقبل ، ونحن لم نققل أن الأفضل الإنجاب في أول سنة أو التأخير وإنما نترك هذه المسألة لاتفاق الخطيبين

5-هل تعاني من أي مشاكل صحية ؟ أو عيوب خلقية؟

لا شك أن معرفة الأمراض التي يعاني منها الطرف الأخر لا قدر الله تؤثر في قرار الاختيار الزواجي بل إن إخفاء المرض على الطرف الأخر يعتبر من الغش في العقد فلا بد أن يكون ذلك واضحاً بين الطرفين سواًكان به عاهة مستديمة أو برص في أماكن خفية من جسدة أو مرض السكر أو غيرها من الأمراض أو العيوب التي يعاني منها المقبل على الزواج।

6-هل أنت اجتماعي؟ ومن هم أصدقاوك؟

إن العلاقات الاجتماعية هي أبرز ما يميز الإنسان ، ومهم أن يكون الإنسان اجتماعي الطبع يألف ويؤلف ، يحب ويحبومهم عند التعارف أن يتعرف على الطرف الأخر من الناحية الاجتماعية كمعرفة أصدقائه وقوة علاقته بهم। وهل هو من النوع الاجتماعي أو الانطوائي.

7-كيف هي علاقتك بوالديك؟(إخوانك ، أخواتك ، أرحامك

إن معرفة علاقة الخاطب أو المخطوبة بوالديه وأهله أمر في غاية الأهمية وذلك لأنة كما يقال إن الزواج ليس عقداًبين طرفين فقط وإنما هو عقد بين عائلتين فالزوج لن يعيش مع زوجته بمفرده منقطعاً عن العالم من حوله ، وإنما سيعيشانمعاً وكلما كانت العلاقة بالوالدين بالوالدين حسنة كلما بارك الله في هذا الزواج ، وكتب لهذه العائلة التوفيق।

8-بماذا تقضي وقت فراغك ؟ وما هي هواياتك।

كلما ازداد التعرف على الطرف الأخر كلما كان القرار بالاختيار سهلا و ميسراً ، وإن معرفة ما يحب الإنسان عملة في وقت فراغه دليل على شخصيته ومعيار لطموحه وأهدافه في الحياة ونظرته لمستقبله وشخصيته।

9-هل لك نشاط خيري أو تطوعي ؟

كلما كانت علاقة الشخص بربه قوية كلما كان مأمون الجانب ويفضل أن تكون الفتاة أو الفتى يقتطعا جزءاً من وقتهما للعمل الخيري التطوعي وذلك من خلال تقديم عمل انمائي أو مساعدة أو حضور مجالس الخير والاستفادة منها فإن هذا النشاط مما يجدد الحياة الزوجية ويقوي العلاقة بينهما لأنهما يسعيان في هذه الدنيا من أجل هدف واحد وهو مرضاة الرب।

10-ما رأيك لو تدخلت والدتي أو والدتك في حياتنا الشخصية؟إن هذا السؤال ينبغي أن يطرحة المقبل على الخطوبة وذلك ليتعرف كل واحد منهما على الأخر في هذا الجانب ومدى حساسيته عنده فيتفقا إذا اختلفا في وجهة النظر على سياسة في التعامل بينهما وطريقه في حل الخلاف لو حصل تدخل من الوالد أو الوالدة أو حتى الجدة في علاقتهما الخاصة.

(( مصر التي لا نعيش فيها ))

هناك مصر و هناك مصر أخري ...........هناك حياة و هناك حياة أخري ..............هناك أناس و هناك أخرون ................هلموا يا سادة إنها حالة تثير التعجب ، وطن مصاب بإنفصام في الشخصية !!!! هيا هيا ........فلتشاهدوها يا سادة ....... أحدكم يقول و ما المشكلة ؟؟ ما أكثر البلدان المصابة بذلك الداء .......... و له أقول :لا يا سيدي ............هذه بالذات حالة ستثير إعجابك ।هناك مصر و هناك أخري ............هناك مصر الموظفين و العمال والفلاحين و هناك مصر الوزراء و رجال الأعمال و الفنانين ، هناك مصر الأحياء الشعبية و القري و الشوارع الجانبية و هناك مصر القري السياحية و الأحياء الراقية و مدن الصفوة ، هناك مصر الفقر والبطالة و الأمراض النفسية و هناك مصر الثراء و الفخامة و الأهرامات و شرم الشيخ و الغردقة ،هناك مصر الحاجة و الحرمان و الجوع و هناك مصر جرين بلازا و سيتي سنتر و سان ستيفانو ،هناك مصر الجامعات الحكومية و هناك مصر الجامعات الخاصة ،هناك مصر الإهانة و التعذيب في أقسام الشرطة و الضرب في المظاهرات و هناك مصر الأحترام و التبجيل و التقديس و التأليه ،هناك مصر تعيش فيها و أخري تراها في التلفاز ، هناك مصر المساجد و الحجاب و الشرع و هناك مصر الفسوق و السفور و البارات و الكباريهات المرخصة ، هناك مصر و هناك مصر ..........ألا ترون يا سادة ...............الأولي مصر التي تعيش فيعا و تعيشها ، مصر تتنفسها كل صباح من شرفة بيتك و ترشفها من كوب الشاي علي إحدي مقاهي القاهرة ، و تراها تنظر لك بدلال و أنت جالس مع أصدقائك علي ضفاف نيلها . أما الأخري فهي مصر التي تسمع عنها ولا تراها ، تريد أن تلمسها لكنا تبتعد عنك في إشمئزاز و كأنها تتعجب من وجود بشر مثلك في الكون !!! ، مصر لا تريدك و لا تشعر بك أصلا ، مصر متبرجة , سافرة , متبجحة ، لا مكان فيها لأمثالك .و تلك هي مصر التي لا نعيش فيها ..................أنظروا يا سادة و متعوا أنفسكم بالمجان هاهي الحمقاء تصارع نفسها كلاهما ــــ هي و نفسها ـــــ يحاول القضاء علي الأخري إنها ترمي بنفسيهما علي الترابإنهما تتمرغ علي الأرض ............ تشد أحدهما شعر نفسها ..........بل أقصدشعر الأخري .................................. ياللخلط ..........!!!أرايتم يا سادة ......؟؟؟إنها لمعركة تدير العقل فهلموا جميعا لتشاهدوا باقي العرض بين مصر و نفسها مصر التي نعيشها .......و الأخري التي لا نعيش فيها
منقول
مواطنه محبطة

قصيده مبارك فى حب مصر

يا شعبي حبيبييا شعبي حبيبي يا روحي يا بيبي يا حاطك في جيبي يا ابن الحلال يا شعبي يا شاطر يا جابر خواطر يا ساكن مقابر وصابر وعال يا واكل سمومك يا بايع هدومك يا حامل همومك و شايل جبال يا شعبي اللي نايم وسارح وهايم وفي الفقر عايم وحاله دا حال أحبك محشش مفرفش مطنش ودايخ مدروخ وآخر انسطال أحبـك مكبـر دماغـك مخـدر ممشـّي امورك كدة باتكال وأحب اللي ينصب وأحب اللي يكذب وأحب اللي ينهب ويسرق تلال وأحب اللي شايف وعارف وخايف وبــالع لســانه وكاتم ما قال وأحب اللي قافل عيونه المغفل وأحب البهايم وأحب البغال وأحب اللي راضي وأحب اللي فاضي وأحب اللي عايز يربي العيال وأحب اللي يائس واحب اللي بائس و احب اللي محبط وشايف محال واحبك تســـافر وتبعد تهاجــر وتبعت فلوسك دولار أو ريال واحبك تطبـّل تهـلل تهبـّـل عشان ماتش كورة وفيلم ومقال واحبـك تأيــّد تعضّـد تمجّــد توافق تنافق وتلحس نعال تحضّر نشـادر تجـمّع كوادر تلمـّع تقمـّع تظبـّط مجـال لكن لـو تفكـّر تخـطط تقـرر تشغللي مخك وتفتح جدال وتبدأ تشاكل وتعمل مشاكل وتنكش مسائل وتسأل سؤال وعايز تنور وعايز
تطور وتعمللي روحك مفرد رجال
اسلام اكس

اسأل مين ؟؟؟؟

هل الشاب المصرى ليس من حقه الحب؟

سؤال نفسى اسئله للمسئولين؟
الشاب المصرى الذى كافح لكى يبنى نفسه ولم يتوفق فى ذلك بسبب ليس بيدة وقابل من يتمنى ان تشاركه مستقبله ماذا يفعل؟ يدفن مشاعره ام ينتحر ام يجازف ويتقدم لهذة البنت لكى يرجع باذيال الخيبه وسوف يلجأ لطريقين :الهروب من البلد لاى بلد تانى ويترك اهله او ينحرف لطريق المخدرات ويقول( مهى بايظة بايظة مش هتفرق) الحقو شبابنا قبل الضياع لطريق الله وحدة يعلمه
حسبى الله ونعم الوكيل
مواطنه محبطة

هل من مجيب ؟

سلام عليكم
هل مسئوليه بطاله شباب مصر مسئوليه الدوله بمفردها ام هى مسئوليه مشتركة لابد من ان نوقعها على الشباب الكسالى ايضا؟
يا شباب مصر من يريد ان يبقى شيئا لا ينتظر الوظيفة ولكن باصراره وقوة تحمله يبنى حياته ومستقبله
يا ريت اعرف الرد وشكرا
مواطنه محبطة

لماذا يهرب الشباب إلي إسرائيل؟

وانا بقرء في جريدة الوفد لقيت
. الموضوع ده وحبيت ان ياخد رايكوا فيه واعتقد انه فعلا موضوع مهم وياريت كلنا نشوف الحل ايه

لماذا يهرب الشباب إلي إسرائيل؟ يعملون في الجيش ويتزوجون هناك.. بعضهم يودع السجون وآخرون جواسيس
أعد الملف: نادية مطاوع - جيهان موهوب إشراف: محمد راغب هل من المعقول، أن يكون هناك شباب مصري يخدم في جيش إسرائيل؟ فقد نشرت منذ أيام، أنباء عن وجود 13% من حجم العمالة المصرية العاملة في إسرائيل، التحقوا للعمل في وظائف مدنية ملحقة بالجيش الإسرائيلي، الأمر الذي يطرح سؤالاً مهماً: لمن يكون ولاء هؤلاء، في وقت الحرب - إذا دارت - هل لبلدهم مصر.. أم لإسرائيل؟ قبل البحث عن إجابات، هناك إحصاءات رسمية مصرية تشير إلي وجود 17 ألف مصري في إسرائيل في حين الاحصاءات غير الرسمية، تؤكد أن هذا العدد يصل إلي 28 ألف شاب مصري.
وأياً كان العدد الحقيقي فنحن أمام ظاهرة خطيرة تتعلق بشباب مصري يعيش في إسرائيل يتزوج من إسرائيليات وينجب أبناء يحملون الجنسية المصرية والإسرائيلية معاً، والأخطر من ذلك أن هناك عدداً ليس بقليل منهم يعمل في الجيش الإسرائيلي بصرف النظر عن طبيعة عملهم، وسفر المصريين للعمل في أي دولة في العالم، أمر عادي، إلا أن سفرهم إلي إسرائيل تحديداً، ليس أمراً عادياً، خاصة إذا علمنا أن أغلب هؤلاء يغادرون بطرق غير شرعية، ويعملون هناك في مهن متدنية، وتحاول السلطات الإسرائيلية استقطابهم بأي شكل ليكون ولاؤهم لإسرائيل، وليس لبلدهم مصر، وقطعاً فإن الظروف الاقتصادية الصعبة، والبطالة هي الدافع الأساسي في هروبهم إلي إسرائيل، رغم ما يعانونه هناك، في أعمال قاسية ومتدنية، فضلاً عن أن بعضهم يتم إلقاء القبض عليه ويودع في السجون الإسرائيلية حتي بدون تهمة، وهناك يواجه كل ألوان العذاب، وبعد عودته يواجه تهمة العودة من إسرائيل.
الأمر المهم، أن تكون السلطات المصرية علي علم بكل التفاصيل، والسعي لحماية هؤلاء الشباب، وسد منافذ هروبهم إلي إسرائيل.

اين عبد الناصر

هل نحن في حاجه اليه ؟

هل لما هو قال كلنا عبد الناصر كان بيكدب ومافيش غير عبد الناصر واحد ؟

ولا اللي كانوا زيه كانوا في عهده بس؟

ياريت اصحابي يكونوا شافوا حد زي عبد الناصر؟

وياريت اللي يشوفه يقوله ان احنا محتاجينوا في الوقت ده

مصر مقبلة علي ثورة

ان كل الاحداث اللتي تتم في مصر الان من رفض جميع الجهات المعارضه وغيرها بسياسة النظام الحكومي الحالي في مصر انما يدل علي ان مصر مقبله علي ثورة لا يعلم مداها الا الله او ان عهد مبارك قد اوشك علي الانتهاء فندعوا من الله انه يخلصنا منه وخلاص فانتوا معايا في رايي ده ولا ايه؟هاااااا

بصراحه

انت حاسس انك مظلوم في بلدك ولا لا ؟

لو حاسس قول اللي انت حاسه

لو مش حاسس برده عرفنا ليه يمكن منك نستفيد؟

ايه هو الحل ؟؟؟؟؟؟؟؟؟؟؟؟؟؟؟؟

بسم الله الرحمن الرحيم

اصدقائي الاعزاء اظن ان احنا كلنا اتكلمنا كتير عن مشاكل وطننا الحبيب واظن ان جيه وقت نقول الحل ومش بس كدا لا وكمان لازم نسعي لتنفيذه يالا بينا كلنا نفكر مع بعض في الحل

اين مبادئ الثورة ؟؟؟؟؟؟؟؟

انا النهارده

عايز اسال سؤال لسيادة الرئيس مبارك اين مبادئ الثورة اللي كانت بتنادي بيها
فين تكافوء الفرص
العدل
المساواة
الديمقراطيه وحرية الراي
حد اعلي للاجور
وحد ادني ليها
ارجوا من الرئيس مباك انه لو علم بالموقع ده انه يرد عليا

في حين ان الرئيس مبارك ووزرائه بيركبوا احدث موديلات العربيات هاتلاقي ان في كل ميادين مصر متسولين مش لاقيين لقمة عيش حاف

في حين ان جميع الوزراء عندهم قصور امتداد 3 كيلو متر مربع فاكثر غالبية شباب مصر لا يملك ثمن شقه غرفة نوم واحده وصاله

في حين ان الرئيس مبارك حراسته تبلغ الملايين والمليارات فان في بلدنا من لايملك قوت يومه

وفي بلاوي كتير يا باشا كفايه عليك كدا

السلام عليكم ورحمه الله وبركاته
السؤال ده مهم جدا وهو..... ليه
الموضوع ده لكل الشباب المصرى اللى نفسه يغير ويمحى الفساد عن ارض مصر الحبيبه
اذا قولنا ليه ؟ ياترى الجواب هايبقى ايه
هايبقى الجواب صعب قوى ازاى
مثلا لو قولنا ليه انت طالب فى كليه الطب وشغال سواق تاكسى ليه؟
مين يقول ان الفقير يتحبس ويموت والغنى بمكالمه تليفون يخرج منها ليه.؟
ليه الفقير يعيش فى العشش والغنى فى قصور ليه؟
ليه الغنى مايعطيش للفقير عشان يعيش ؟؟
لحد دلوقتى وظيفه السؤال ........ ليه ؟ محبطه يعنى ضدنا
طيب ماتيجوا نستخدمها لصالحنا طيب ازاى ؟
انا قبل ما اعمل اى حاجه اسال نفسى الاول ليه؟
ليه انا هاعمل كذا ؟ ليه انا هاشتغل كذا؟
ساعات هاتكون الاجابه انا مضطر انى اعمل كذا وهو ده اللى انا عاوز اوصله اننا مش مضطرين اننا نعمل اى حاجه مش راضين عنها
اخواتى الشباب والبنات ايضا ياريت كلمه ليه تكون امام اعيوننا دائما لانها سوف تجنبنا اخطاء كثيره
وللحديث بقيه.....اخوكم
اكس

الشباب المصرى

السلام عليكم ورحمة الله وبركاته

انتظروا مفاجاتنا مواقف حقيقية ويومية تحدث مع الشباب المصرى

لنر العبىء الذى يتحمله الشباب فى بداية تطلعه لمستقبله

لنر كيف يقتلون البرعم قبل ان ينمو

انتظرونا

شباب مصريون يتحدثون بلاقيود

دعوه الي كل شباب مصر

يلا بينا كلنا نضم صوتنا لصوت بعض ونواجه مسئولينا ونشوف ايه المشاكل اللي في بلدنا ونحاول نحلها من غير عنف في حوار ديمقراطي يسمح بكل الاراء فلو قدرنا نغير شيء في بلدنا فده اللي بنتمناه كلنا ولو ما غيرناش فيكفينا شرف المحاوله

بسم الله الرحمن الرحيم

اخوتى واخواتى الزوار قبل اى حاجة احب اعرفكم بنفسى

اانا اخوكم :خالد احب الكتابة والشعر والكلام عنها وبمناسبة ان

الموقع بتاعنا اسمه بلا قيود يبقى انا لما احب اتكلم واعبر عن اللى جواي اابقى

اتكلم عنه براحتى ومن غير ما يكون فى اى حواجز تخلينى معبرش عن نفسى

وبداية كدة مش شرط انه يكون عن السياسة لا ممكن يكون عن اى حاجة

الحب الشعر الرومانسية اى مشكلة ممكن تواجهنا فى حياتنا

وخدو دى هدية منى:

يا من ملكتى دنياي بكلمات الهوى وملئتى قلبى بالحنان حتى ارتوى

شكى قلبى من طيلة الفراق ... .ووقف هزيلا امام حبك وانحنى

اما اان لصباح عوتك الاوان ....وارى ليل بعدك قد انجلى

عودى الى قلبى وانظرى كيف.... اشتعلت به نارحبك فا انكوى

ويارب تنول اعجابكم

ودة ايميلى ازا احتاجتونى

khaled_19892010@yahoo.com

معلش طولت عليكم سلااااااااااااام بقى

نداء الي وزير التربية والتعليم

بسم الله الرحمن الرحيم
سيادة الوزير ارجوا من سيادتك التفكير ولو للحظه وتسال نفسك السؤال ده هل التعليم في هذه البلد قادر ان يخلق جيل ممكن يطلع منه علماء او علي الاقل شاب متعلم يرفع من شان بلده او ان هذا التعليم يساوي او يقارب ادني مستوي تعليم في العالم اجمع ؟ وهل انت راضي عن هذا ؟ انا عايز بس الجواب اذا كان رايك ان التعليم قادر فانت موهوم يا سيدي واذا كان ردك لا مش قادر فما دور سيادتكم ؟؟؟؟؟؟؟؟؟؟؟؟؟ وشكرا

احنا ليه عملنا الموقع ده

بسم الله الرحمن الرحيم

احب اعرفكم الاول بنفسي ان انا مجرد مواطن مصري نفسي تعلي بلدي بجد وفي نفس الوقت زعلان جدا علي شباب بلدي وحالها وحبيت ان انا اعمل حاجه مابقاش زي كل اللي بيتفرجوا وقول هو انا اللي هايعدل الكون وياريت كل واحد مننا يفكر شويه في البلد دي لانها بجد بقيت حالها لا يسر عدو ولا حبيب وعايز اقول للشباب لو ما كناش احنا اللي نعمل حاجه مين اللي هايعمل وبعدين لو ما كناش نعمل واحنا شباب وعندنا كل الطاقه دي امال هانعمل امتي وياريت فعلا كل واحد فينا يقعد مع نفسه شويه ويسال نفسه هي البلد بئا فيها ايه حلو

صور فاضحة من الفساد باسم الخصخصة

رغم وضوح القوانين واللوائح الحاكمة لعملية التحول إلى القطاع الخاص الوطني والأجنبي- أي عملية "الاستخصاص" أو الخصوصية- ورغم اللجان الفنية والقانونية ومكاتب الخبرة والاستشارات الخاصة بالتقييم من الداخل والخارج، ورغم (تستيف) الأوراق والتقيُّد التام بشكلية الإجراءات وتعقيدها الذي يكاد يكون مقصودًا، ورغم التشديد الدائم على الإفصاح والشفافية.. استشرى الفساد والإفساد في هذه العملية؛ مما أدى إلى إهدار وتبديد قيمة أصول رأسمالية رئيسة في القطاع العام المصري؛ مما يهدد بضياع جزء مهم من الثروة القومية لصالح الجانب، وإمكانية عودة سيطرتهم على الاقتصاد المصري، وما يحمله ذلك من عقبات وتراجع في عملية التنمية الوطنية. والمثال الأول والصارخ على هذا التدمير والتخريب هو بيع شركة النصر للغلايات (المراجل البخارية) لمستثمرٍ- أو قُل لناهب أو لسارق- أمريكي كندي، وهو شركة بابكو آند ويلكوكس؛ حيث بِيْعَت الشركة المصرية بمبلغ 17 بيلون دولار، على أن يقوم الجانب المصري بسداد ديون الشركة والضرائب المستحقة عليها، وبعد خصم هذه المستحقات وصل الثمن الصافي إلى 750 ألف دولار، بينما أرض الشركة والتي تبلغ 31 فدانًا على النيل تصل قيمتُها وقت البيع إلى 115 مليون دولار.. هذا بجانب تضمين الصفقة- أو قل السرقة- عقد توريد غلاَّيات لعملية محطة الكريمات بمبلغ 600 مليون دولار!!
المثال الثاني الذي تشعُّ منه رائحةُ الفساد هو بيع شركة "بيبسي كولا" المصرية إلى مستثمر مصري وآخر سعودي وشركة بيبسي كولا العالمية بنسب 49%، 49%، 2% على الترتيب، بمبلغ 157.6 مليون جنيه، وهو ثمنٌ لا يتعدى ثمن الأرض فقط أو ثمن مصنعين من مصانع الشركة؛ بدليل أن المشتري الأول والثاني باعا حصةً تبلغ 77% من الشركة المصرية بعد ذلك لشركة "بيبسي كولا" العالمية بمبلغ 400 مليون دولار!!والمثال الثالث لفساد وإفساد عملية الخصخصة يتمثل في بيع فندق الميريديان- والذي يقع في موقع متميز على النيل مساحته 21 ألف متر- إلى مستثمر سعودي بمبلغ 75 مليون دولار، بينما سعر الأرض فقط يبلغ 185 مليون دولار وقت البيع ولا أقول السرقة!!وتشمل القائمة شركات ناجحة ومهمة للاقتصاد المصري، مثل شركات أسمنت أسيوط وبني سويف والإسكندرية، والتي بِيعت لمستثمرين أجانب، وكذلك شركة الزجاج المسطَّح وشركة الأهرام للمشروبات، واللتان بِيعتا لمستثمرين أجانب أيضًا، وبأسعار أقل بكثير من القيمة الحقيقية لهذه الشركات.وتستمر مسيرة التبديد الفاضح للمال العام لتشمل بيع حصة بنك الإسكندرية في البنك المصري الأمريكي لبنك كاليون الفرنسي لمستثمرين أصبحوا وزراء في الحكومة الحالية، وتم البيع كالعادة بأقل من القيمة الحقيقية بكثير، أي بنسبة تقرب من 75% من هذه القيمة، ثم يأتي
مثال صفقة بيع "عمر أفندي"، والتي يجري الإعداد لها على قدم وساق، وهي فضيحة اقتصادية بكل المعايير؛ إذ يُشرَع في بيع 82 فرعًا من هذا الصرح التاريخي الكبير- يشمل الأرض والمخازن وأسطول السيارات- إلى مستثمرٍ سعوديٍّ بأقل من ثَمن خمسة أو ستة أفرع فقط، أي بقيمة إجمالية تبلغ نصف مليار جنيه فقط أو 504.9 مليون تحديدًا، بينما التقييم المتحفظ لأصول هذا الصرح يصل إلى 1139 مليون جنيه!!
والمثال الأخير في قائمة التدمير والتبديد لأصول مصر الإنتاجية هو صفقة بيع شركة غزل شبين الكوم، والذي يزمع إتمامُها مع مستثمر هندي بسعر ليس بخسًا فقط وإنما شديد الرمزية يقرب من المجَّان، وهو 98 مليون جنيه، وهو سعرٌ لا يساوي ثمن العمارات المملوكة للشركة، تلك الشركة المكونة من ستة مصانع، و842 ماكينة و24 عمارةً سكنيةً، بالإضافة إلى المخازن التحتية للشركة، والتي تقدَّر قيمتُها جميعًا، طبقًا لأسعار السوق بنحو ثلاثة بلايين جنيه!! يتم كل ذلك بغض النظر عن الإضافات المستمرة من آلاف العاطلين إلى كارثة البطالة المتفاقمة أصلاً باسم المعاش المبكر!!وتستمر مسيرة الخصخصة بلا توقف، رافعةً شعار الإفصاح والشفافية، ومؤكدةً على حماية حقوق العاملين، ومحافِظةً على كفاءة إدارة الأصول العامة، ومشددةً على تشجيع الاستثمار الأجنبي، وملبيةً أوامر الصندوق والبنك الدوليين ومنظمة التجارة العالمية، بل السفارة الأمريكية، والحقيقة المرة هي مزيدٌ من الفساد والإفساد، وبيع- إن لم يكن سرقةً- حاضر ومستقبل الاقتصاد المصري!!

فهل مِن عاقل في هذا البلد يوقف هذا النهبَ المنظَّم أو الخراب الواسع لثروة مصر ويعمل على ترشيد هذه العملية ويحصرها في القطاع الخاص المصري؟! سؤال لكل مَن يهمه أمرُ وحاضر ومستقبل هذا البلد الحبيب

(مواطنه محبطة(لامتى هنستخدم الادويه دى

Conta-Flu ,Antiflu,Nova-C-M ,Coldact ,.Flustop, .Flurest, Rhinomol .Pararhinol .Michaelon .Noflu Coricidin Rhinogesic .Contact 12 .Eskornade .Night and Day .Vegaskine Aduls Syrup,Denoral .Coflin

هذة الادويه تحتوى على مادة تسبب جلطة فى المخ فاحذرها

الادويه دى يا جماعة زى ماحنا عارفين معظمها بتاعة برد وكلنا بنستخدمها وللاسف انها مميته ومنظمة عملت ابحاث عليها ولقت انها مميته على المدى البعيد

وفعلا اتمنع استخدامها فى السوق الاوروبى بس طبعا بلدنا الحبيبه كالعادة مش بتتأثر بالكلام دة وبتقول ان صحة المصريين عال العال ومش بتفرق معاهم الحاجات البسيطة دى بأمارة ان لحد دلوقتى النوفالجين لسه بنستخدمة مع انه اتمنع من فترة خارج مصر ومصر هى الدوله الوحيدة اللى لسه بتستخدمة ومش عارفة امتا ناويين يمنعوه ربنا يرحمنا مقدما

وان لله وان اليه راجعون

مواطنه محبطة)هجرة الشباب)

سلام عليكم انا طبعا دى اول مشاركة ليا بس فعلا الموضوع شدنى يا ريت نعرف كل شاب بيحب الهجرة من البلد دى ليه ايه السبب وايه اللى يخليه يبعد عن اهله واصحابه يا ترى العيب فينا ولا فى البلد؟