الأحد، 30 سبتمبر 2007
الاسعار والمسعور
عارفين ايه اللي سعره غلي زيت الاكل وهو ضروري مع الفول وكمان السمنه بكل انواعها واللبن والجبنه واللانشون علشان رمضان جانا والسمنه والدقيق والبيض علشان جانا العيد اهو جانا العيد واللي يغيظ بجد رفع سعر البيبسي والجيلاتي سيبك من الهدوم اللي حايروحوا بيها المدارس وكمان للعيد طبعا انا قصدي الازياء طب ليه المكرونة غليت واللبان!!! سيبك من فلوس الزبالة اللي ع الكهربه مع ان كروت شحن الموبايل رخصوها والخضار بجميع انواعه (حدث ولاحوج) (هيه اصلها حرج) بس الكمبيوتر هوه اللي حكم وايه حكاية الكبريت اللي غلي في وسط الزحمة (طب اللي عاوز يولع في نفسه دلوقتي ) يتكلف كام ؟؟؟ كفايه 3علامات استفهام يمكن سعرهم يرتفع ولعلمكم علامات التعجب خلاص سعرهم بقي فوق وكله كوم والفراخ كوم (قصدي الدجاج) كل دجاجة مش عايزة اقل من 60قرش للبيضة بتقول علشان مصاريف الابر اللي بتاخدها --ولنا معكم لقاء انشاء الله لان المدفع ضرب (بس ماجاش فيهم) والسلام
الاشتراك في:
تعليقات الرسالة (Atom)
هناك تعليقان (2):
حلو موضوع يولع في نفسه ده يا عم ندي
jinja
ايه يابني الكآبة دي...الواحد عارف كل الكلام ده بس مش لازم تقلب عليه المواجع
و بعدين انت ايه اللي مدايقك من سعر الكبريت اللي ارتفع يعني...الناس بيحبوك و مش عاوزينك تفارقهم ابدا..اصلك لو فارقتهم هيلاقوا فين الحمار اللي بيدفع الزيادة بتاعة الاسعار دي....مش قصدي حاجة و الله ...انا كمان زيك...كلنا في الهوا سوا يعني بندفع زى الشطار....فين ايام زمان لما قامت البلد كلها على كام قرش زيادة في السكر...الله يرحم السادات
إرسال تعليق