الأحد، 26 أغسطس 2007
قصيده مبارك فى حب مصر
يا شعبي حبيبييا شعبي حبيبي يا روحي يا بيبي يا حاطك في جيبي يا ابن الحلال يا شعبي يا شاطر يا جابر خواطر يا ساكن مقابر وصابر وعال يا واكل سمومك يا بايع هدومك يا حامل همومك و شايل جبال يا شعبي اللي نايم وسارح وهايم وفي الفقر عايم وحاله دا حال أحبك محشش مفرفش مطنش ودايخ مدروخ وآخر انسطال أحبـك مكبـر دماغـك مخـدر ممشـّي امورك كدة باتكال وأحب اللي ينصب وأحب اللي يكذب وأحب اللي ينهب ويسرق تلال وأحب اللي شايف وعارف وخايف وبــالع لســانه وكاتم ما قال وأحب اللي قافل عيونه المغفل وأحب البهايم وأحب البغال وأحب اللي راضي وأحب اللي فاضي وأحب اللي عايز يربي العيال وأحب اللي يائس واحب اللي بائس و احب اللي محبط وشايف محال واحبك تســـافر وتبعد تهاجــر وتبعت فلوسك دولار أو ريال واحبك تطبـّل تهـلل تهبـّـل عشان ماتش كورة وفيلم ومقال واحبـك تأيــّد تعضّـد تمجّــد توافق تنافق وتلحس نعال تحضّر نشـادر تجـمّع كوادر تلمـّع تقمـّع تظبـّط مجـال لكن لـو تفكـّر تخـطط تقـرر تشغللي مخك وتفتح جدال وتبدأ تشاكل وتعمل مشاكل وتنكش مسائل وتسأل سؤال وعايز تنور وعايز
تطور وتعمللي روحك مفرد رجال
اسلام اكس
الاشتراك في:
تعليقات الرسالة (Atom)
هناك 5 تعليقات:
انا بجد ليا الشرف انى اول واحدة اكتب كومنت على التوبيك دة بس القصيدة جامدة جداجدا لو حضرتك اللى كتبها يبقى ربنا يحميك واستمر على كدة وفعلا حاسه انى واقفة قدام سيادة الرئيس وهو بيشعر لشعبه
مواطنه محبطة
تسلم ايدك يا واد يا اكس انت ومواطنه محبطه شكلكوا هاتسبقوني علي المعتقل
اسلام والله هتوحشنى كتير بس بقولك .رايك كويس بس بجد بجد بجد هتوحشنى اوى اخوك الصغير السمرى كيمو ..
اشطة عليك يا اكس اية الشعر الجامد دة تسلم ايدك يا برنس ربنا يخليك ويخليك لشباب مصر
يويو
ربنا يستر علينا و عليكو
إرسال تعليق